Британиялық әйел 42 жасында 20 баланың анасы атанды (фото)
Қазіргі кезде әйелдердің басым көпшілігі үш баладан артық босанбайды. Жүктілік – организм үшін күрделі процесс, ал бала тәрбиелеу одан да қиын. Алайда Ұлыбритания тұрғыны Сью Редфорд қиындықтан қорықпай, 20-шы рет ана атанды.
Бұл туралы The Sun хабарлайды.
18 қыркүйек күні Арчи есімді ұлын дүниеге әкелген Редфорд Ұлыбританиядағы ең көп балалы ана атанды. Оның сөзінше, күйеуі екеуі ұлдарының жарық дүниеге келуін асыға күтіпті. Қазір олардың отбасында 11 ұл, 9 қыз бар.
Өзін күйеуінің қолдайтынын айтқан әйел енді әрі қарай отбасын кеңейтпейтіндерін айтты. “Ұлымыздың аман-сау өмірге келгеніне қуаныштымын. Енді балалы болмайтынымды ойлау қиын”, – дейді Сью.
Сью мен Ноель балалар үйінде танысқан. Алғашқы баласын 14 жасында өмірге алып келген соң, бірден отбасын құрыпты. Содан бері ол тағы 19 баланы босанған.
Ол балаларының өмірге келген күнін шатастырмайды екен. Ал күйеуі болса анда-санда балаларының туған күнін ұмытып қалатын көрінеді.
Оқи отырыңыз:
Портретті шабадан: Әуежайда жүкті тез табудың оңтайлы жолы
Британдық дизайнер адам қарнына ұқсас сөмке жасап шығарды (фото)
Әлемдегі ең танымал миллиардерлердің балалық шағы қалай өтті? (фото)
Жыныс мүшесі зілтемірге қысылып қалған ер адам жұртты күлкіге қарық қылды (фото)