БҚО-да жалғызбасты әке ұлын белбеумен ұрғаны үшін сотқа тартылды
Батыс Қазақстан облысында жалғызбасты әке 4 жасар ұлын белбеумен ұрып, қасақана дене жарақатын салған. Бұл туралы Stan.kz ақпарат агенттігі хабарлайды.
Фото: Pixabay
Бәйтерек ауданының №2 аудандық сотында әкімшілік кодекстің 73-1 бабы "Отбасы-тұрмыстық қатынастар саласындағы құқыққа қарсы әрекеттер" бойынша іс қаралды. БҚО сотының баспасөз қызметінің хабарлауынша, ер адам өзінің төрт жасар ұлына белбеумен қасақана дене жарақатын салған. Баланың денсаулығына жеңіл зиян келген.
Сот отырысында құқықбұзушы өз кінәсін толық мойындады. Ол кешке кішкентай баласының ойнап, бағынбағанын, сондықтан оны белбеумен жазалағанын түсіндірді. Ер адам екі баланы жалғыз тәрбиелеп отыр. Анасы ата-ана құқығынан айырылып, бөлек тұрады.
Оқиға туралы бірінші болып бала баратын балабақша хабарлаған.
Сот шешімімен ер адам кінәлі деп танылып, ескерту берілді. Қаулы заңды күшіне енген жоқ.
АҚШ-та қазақстандық әйелдің 2 жасар қызы тамаққа қақалып жансақтау бөліміне түсті: Ол отандастардан көмек сұрайды
Әйгерім: "АҚШ дәрігерлері емді жалғастырудан бас тартты"
Америкалықтар қарсы шыққан ірі ЖИ-хаб Екібастұзда салынғалы жатыр: Экология жанашырлары неге алаңдаулы
Қазақстанда салынатын осыған ұқсас жобалардан АҚШ-та халық бас тартқан