БҚО-да осымен үшінші рет белгісіз дрон табылды
Батыс Қазақстан облысының Жәнібек ауданынан тағы да белгісіз дрон табылды. Соңғы уақытта бұл БҚО аумағында табылған үшінші дрон. Бұл туралы Stan.kz ақпарат агенттігі хабарлайды.
Аймақта тағы бір белгісіз дронның құлағаны туралы ақпарат 24 наурыз күні кешке пайда болды. 25 наурыз күні таңертең БҚО полициясы ұшқышсыз ұшақтың табылуына байланысты тексеру жүргізіп жатқанын растады.
"Батыс Қазақстан облысының полиция департаменті уәкілетті қызметтермен бірлесіп Жәнібек ауданында пилотсыз ұшу аппаратының фрагменттеріне ұқсас заттарды табу фактісі бойынша тексеру іс-шараларын жүргізуде. Нысан елді мекендерден алыс, шалғай жерде табылды", – деді БҚО полиция департаменті.
Апатқа ұшыраған дронның кімге тиесілі болуы мүмкін екені әлі белгісіз.
Еске салсақ, 18 наурыз күні Батыс Қазақстан облысындағы Тасқала ауданында ұшқышсыз аппарат құлағанын хабарлаған болатынбыз.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"4 миллион теңге күйіп кетті": Мерекеде қызғалдақ сатқан қазақстандық кәсіпкерлер биыл шығынға батқан
Кәсіпкер: "3000 гүл сатуымыз керек еді, бірақ тек 166 дана қызғалдақ саттық"