AAPL
137.35 $
-2.46 %
TSLA
709.42 $
-0.05 %
NDAQ
143.08 $
0.7 %
GOOGL
2207.68 $
-1.35 %
FRHC
40.71 $
-0.97 %
AAPL
137.35 $
-2.46 %
TSLA
709.42 $
-0.05 %
NDAQ
143.08 $
0.7 %
GOOGL
2207.68 $
-1.35 %
FRHC
40.71 $
-0.97 %
Соңғы жаңалықтар
Соңғы жаңалықтар

"Бапкерім мылтықты несиеге алып берді": Паралимпиада ойындарының қатысушысы дайындық барысындағы қиындықтар туралы айтты

Бейжіңде өткен Паралимпиада ойындарына қатысқан Ербол Хамитов төрт жылда бір келетін қысқы спорт түрлеріне дайындық кезінде туындаған мәселелер жөнінде айтты, деп хабарлайды Stan.kz ақпарат агенттігі.

ербол хамитов

Қазақстан құрамасының көшбасшысы, петропавлдық 24 жастағы Ербол Хамитов Паралимпиада ойындарында LW12 (отырып жарысу) сыныбында өнер көрсеткен.

Бұрын ол  грэпплинг және джиу-джитсумен айналысқан, алайда 2017 жылы атыс арасында қалып, бір аяғынан айырылған. Қайғылы оқиға жігіттің сағын сындырмай, ауруханадан шыққан соң ол спортқа қайта оралуға бел буады.

2019 жылы ол грэпплингтен AIGA вице-чемпоны (Ересектер секциясы) және UWW Азия чемпионы (NoGi-Intermediated Section) атанды, алайда төрт жылда болатын қыстың басты жарыстарына қатысу арманы ойынан шықпай қойған. Ал грэпплинг пен джиу-джитсу Олимпиада бағдарламасына енбегендіктен, Ербол шаңғы жарысына ауысады.

2022 жылғы Қысқы Паралимпиада ойындары оның мансабындағы мұндай деңгейдегі алғашқы жарыс болғандықтан спортшы өзінің дебюттік Паралимпиада ойындарында жеңіске жетуді мақсат етіп қояды.

Спортшының лайықты нәтиже көрсетіп - шаңғы жарысында жетінші орынмен келгенін баса айта кету қажет. Алайда бұл көрсеткіш Хамитовтің өзінің көңілінен шықпады.

"Мен жеңіс тұғырына көтеріліп, отбасым мен достарымның, қазақстандық жанкүйерлер мен спорт сүйер қауымның үмітін ақтау үшін қолымнан келгеннің барлығын жасадым. Бірақ бұл жеткіліксіз болып шықты", – деп жазды спортшы әлеуметтік желідегі парақшасында.



"Спорт дамып келеді, ал біз әлі бір орында тұрмыз"

Сондай-ақ Ербол үлкен нәтиженің артында үлкен еңбектің жататынын көп адамдардың біле бермейтінін айтады.

"Мен шаңғымен жұптық сырғанауға 2018 жылдың маусым айында келдім. Осы уақыттың ішінде біз өз күшімізбен дайындалдық деп айтсам болады. Біз ойындарға 2019 жылдың соңына қарай дайындықты үдеттік. Щучинскідегі оқу-жаттығу жиынынан шықпадық десем болады. Оның үстіне оқу-жаттығу жиынын жаттықтырушы өзі ұйымдастырды, біз әрқашан өзімізді өзіміз алып жүрдік. Кәсіпқой спортшыларға сай емес өте қиын жағдайда өмір сүрдік", – дейді Ербол Хамитов.

Оның айтуынша, 2020 жылдан бастап ҚР Ұлттық Паралимпиада комитеті паралимпиадалық спорт түрлеріне бөлінетін мемлекеттік бюджет пен басқаруды толығымен өз қолына алған. Бірақ спортшылар толыққанды оқу-жаттығу жиындарын өткізе бастағанда, пандемия басталып, олар өзгелер секілді үйде отырып, жаттығуды үйден жалғастырған.

Бейжіңдегі ойындарға толық дайындық олар үшін 2021 жылға таяу уақытта басталған.

"2020-2021 жылдарға біз Ұлттық Паралимпиада комитетінен құрал-жабдықтар мен жабдықтар алдық, бірақ спорт туралы заңның қолданылу аясы белгілі бір құрал-жабдықтарды сатып алуды шектейтіндіктен, біз әрқашан қажетті заттарымызды ала алмай қаламыз. Спорт дамып жатқандықтан онымен бірге қажеттіліктердің де сұрауы артады, ал біз әлі бір орында тұрмыз", –  деп шағымданады Хамитов.

Ол өзінің жеке бапкері Антон Ждановичтің несие алып, Германиядан өз қаражатына мылтық сатып алып бергенін мойындады.

"Соның арқасында Бейжіңдегі Паралимпиада ойындарында биатлоннан бақ сынауға мүмкіндік алдым. Бұдан бөлек Беларусь командасының арқасында мен Швецияда өткен әлем чемпионатында үшінші орын алдым, себебі олар маған өз винтовкаларын бере тұрған еді", – деп мәлімдеді спортшы.

"Мүмкіндігі шектеулі спортшылар олимпиадашылар үшін резерв, былайша айтқанда, балама аэродром екенін бәрі түсінеді. Бірақ елімізге қысқы ойындардың жалғыз медалін біз әкеліп жатырмыз. Александр Герлиц қазақ паралимпиадалық спорты үшін тарихи жеңіске қол жеткізіп, адам сенгісіз жетістікке жетті", –  деп атап өтті Хамитов.

Ол бүгінгі күні паралимпиадашылар бір ғана нәрсені қалайтынын – келесі төрт жылдан кейін келер жарыста оларға өздерінің толық спорттық әлеуетін іске асыруға және барлық дайындық жоспарын сыртқы араласусыз және мемлекеттің толық бақылауымен орындауға мүмкіндік берілгенін жеткізді. 

"Менің жеке жарыс түріндегі ең үздік көрсеткішім – жетінші орын. Мұнда өткен ойындарда парабиатлонда мүмкіндігім болды. Жарыстың соңғы күні Санья (Александр Герлиц) екеуміз эстафеталық жарыста бесінші орынға ие болдық. Мен мұны өзімді ақтау үшін жазып отырған жоқпын. Жеке өз басым ақталу дегенді білмеймін. Мұны мені жақын танитын жандар жақсы біледі. Бірақ үнсіз қалуды да құптай алмаймын. Бұл менің бапкерлеріме және командама жасаған әділетсіздік болар еді. Тек шындық ғана бізді мықты қылады", – деп түйіндеді Ербол Хамитов.

Ол сонымен қатар Швециядағы биатлон бойынша әлем чемпионатына (Остерсунд 2023) дейін бір жылдан аз уақыт қалғанын айтып өтті.

Талқылау
Пікір
Қазір оқып жатыр
Қазір оқып жатыр