"Баламның қызығын көре алмай қаламын деп қорықтым": Ерке Есмахан отадан шыққанын айтты
Ерке Есмахан денсаулығына байланысты шұғыл ота жасатты. "Әдетте әлсіз тұстарыммен бөліскенді ұнатпаймын" деген әнші бұл жолы қорыққанынан көпшілікке жариялаған. Ерке отадан аман-есен шыққанын хабарлады, деп жазады Stan.kz ақпарат агенттігі.
Есмахан дәрігерлермен сөйлескен соң, жалғыз ұлы үшін алаңдағанын жасырмады.
"Ота жасату керек" дегенді дәрігерлерден естігенде, бірінші ойыма Муслим түсті. Сол баламды асыраймын деп шауып жүргенімде, қызығын көре алмай қаламын ба деген жаман ой келді.
“Қорыққанға қос көрінеді” демекші, қорыққан сәтте небір ой болды екен. Алла мейірімді ғой, ота сәтті жасалды. Шүкір! Сіздердің дұғаларыңыз қабыл болды.
Қазір үйдемін. Маған тілекші болған баршаға алғыс айтамын. Рамазан айында еселеп қайтсын деп сұраймын. Алла баршаңызға денсаулық берсін, ауызбіршілік, молшылық, береке берсін. Сәби аңсап жүргендерге сәби берсін! Үйлі, күйлі болыңыздар!
Маған ауырған жараспайды екен. Енді ауырмайтын жол іздеу керек", – деп жазды Ерке.
Бір жыл бұрын салынады делінген 3,5 миллиард теңгелік футбол академиясының құрылысы әлі басталмаған: Тараз әкімдігі себебін түсіндірді
Әкімдік: "Оның құрылысына дайындық, жобалау, сараптамадан өткізу және құрылыс жұмыстарын бастау секілді әрбір кезең белгіленген тәртіп пен мерзім қажет"
122 миллиард теңге бөлінсе де, Қазақстанда қоқысты қайта өңдеу неге дамымай жатыр
Маман қомақты қаржы бөлінгенімен, қалдықтарды өңдеуде шешілмеген мәселе көп екенін айтады