"Әйел перзентханадан енді шыққан": Алматыда ерлі-зайыптылар жаңа туған сәбиін 2 млн теңгеге сатпақ болды
Алматыда ерлі-зайыптылар жаңа туған сәбиін 2 млн теңгеге сатпақ болды. Полиция 1998 жылы туған Б. есімді әйел мен оның күйеуі 1991 жылы туған Б. есімді азамат ұсталғанын мәлімдеді, деп хабарлайды Stan.kz ақпарат агенттігі. Бұл жөнінде ішкі істер министрлігінің ресми сайты жазады.
Алмалы ауданында арнайы іс-шараны ҰҚҚКБ жедел уәкілдері мен полицияның арнайы жасақ қызметкерлері бірлесіп жүргізген.
"Бірнеше сағат бұрын әйел перзентханадан шыққан. Олар сол жерден бірден мәміле жасауға кеткен. Олар ұлын 2 млн теңгеге бағалаған. Айта кету керек, ерлі-зайыптылар тумаған бала үшін “әлеуетті ата-ананы” алдын ала іздеген. Жаңа туған нәрестені сатудан түскен ақша айыпталушыларды ұстау кезінде тәркіленді", – деді, Алматы қалалық ПД ұйымдасқан қылмысқа қарсы күрес басқармасының бастығы Жанат Нұрғалиев.
- "Екі миллион теңгеге дейін саудалаған": Алматыда бірнеше жыл бойы жаңа туған балалар саудасымен айналысқан қылмыстық топты діндар әйел басқарған
- 13 жастағы қызын ұзатқан ана: "Күйеубалам қызымды құлдықта ұстап отыр"
Іс сотқа дейінгі тергеудің бірыңғай тізілімінде ҚР ҚК-нің 135 бабы 2 бөлігі (Кәмелетке толмағандар саудасы) бойынша тіркелген қылмыстық іс материалдарына қосылды. Қылмыстық іс аясында жедел-тергеу шаралары жүргізіліп жатыр.
Бұл ерлі-зайыптылардың екі баласы бар екендігі анықталған. Олар ауыр қылмыс бойынша өз кінәсын толықтай мойындады, деп қосты полиция.
“Қазақ әйелін аяққа таптайды, байлар жарысады: Тоқал алуды заңдастырудың соңы неге әкеп соғады?
