Атырауда өрттен қаза тапқан үш баланың отбасына көмек көрсетіледі
Атырау облысының әкімі Махамбет Досмұхамбетов қаза болған балалардың отбасыларына көңіл айтты, деп хабарлайды Stan.kz ақпарат агенттігі Атырау облысы аймақтық коммуникация қызметіне сілтеме жасап.
Сондай-ақ облыс әкімі қаза болған балалардың отбасына материалдық көмек көрсетілетінін жеткізді.
"Махамбет ауданындағы Ортақшыл ауылында болған өрт кезінде қаза тапқан балалардың отбасыларына қайғыра көңіл айтамын. Бұл біздің ортақ қайғымыз. Облыстың барлық тұрғындары ата-аналардың қайғысына ортақтастығын білдіреді. Қаза тапқан балалардың отбасыларына Атырау облысы әкімдігі атынан материалдық көмек көрсетіледі. Қайғыларыңызға ортақпын", – делінген әкім телеграммасында.
Айта кетсек, бұған дейін Атырау облысында қорада болған өрттен кейін үш баланың мәйіті табылғанын хабарлаған болатынбыз. Оқиғаға байланысты сотқа дейінгі тергеу басталды.
“2 миллиард теңгеге жуық“: Қазақстан өңірлері 2026 жылды қарсы алуға қанша қаражат жұмсайды?
Алайда биыл елордалықтар жергілікті бюджет қаржысын үнемдеген көрінеді
"Өліп қала жаздаған кездерім болды": Қарызға батып жезөкше болған қазақстандық табысы туралы айтты
Ләйлә: "Жетім қыздар, күйеуге шығайын деп жүргендер, бұрынғы күйеуінің несиесін төлеп жүргендер бар"