Атырау облысында ауылдарды су басқанына қатысты ТЖД пікір білдірді

Төтенше жағдайлар департаменті 9 ақпанда Атырау облысы Қызылқоға ауданында қар еріп, су басқанына қатысты пікір білдірді. Бұл туралы Stan.kz ақпарат агенттігі хабарлайды.

Фото: ТЖД 

Су арық арнасы бойынша Мұқыр  мен Сағыз ауылы арқылы өткен. ТЖД бұл штаттық режимде болды деп мәлімдейді. Елді мекендерге қауіп төнген жоқ.

Ведомствоның мәліметінше, қазір су деңгейі төмендеген. Жағдай жергілікті атқарушы органдардың бақылауында.

"Байбалам салып, уайымға түспеуіңізді және тек ресми мәліметтерге сенуіңізді сұраймыз!", – делінген ТЖД хабарламасында.

Еске салсақ,  Атырау облысында бірнеше ауылды су басқан еді.