"Әйелім – интим тренер екенін білгенде, шок болдым!": Нұрсұлтан Жақсыген экс әйелінің жұмысын ұнатпағанын жасырмады

Танымал актер, шоумен Нұрсұлтан Жақсыген экс әйелі Фариза Алмазқызының жұмысын ұнатпағанын айтты. Бұл туралы Stan.kz ақпарат агенттігі хабарлайды. 

Фото: Сұхбаттан скриншот

Өнер иесі журналист Анна Данченкоға сұхбат беріп, әйелінің ата-анасына жала жапқанын айтты. 

“Менің әке-шешем – зейнеткер. Сондықтан менің әйелімнен ақша сұрайтын ниеті де, пейілі де жоқ. Ол өзін ақтап алу мақсатында айтып жатқан шығар. Оның айлығы бізге не керек, мен өзім жұмыс істейтін болсам. Маған ол жұмыс істемесе де бәрібір. Мен өзімнің аманатым екенін, менің жауапкершілігім мен қамқорлығымда екенін де сезінемін, білемін, түсінемін. Әйелім үйде отырып қалмасын, ойы бөлінсін, адамдармен аралассын деген оймен, "жарайды, жұмыс істегің келсе, жұмыс істе" дедік қой. Бірақ жұмыстың да шекарасы болуы керек, ол сақталмады", – дейді актер. 

• "Атам ажырасыңдар деп, енем айлығымды сұрады": Нұрсұлтан Жақсыгеннің экс-әйелі өзін қаралағандарға жауап берді

• "Қызық кино көріп отырмыз": Айнұр Тұрсынбаева жайдарманшы Нұрсұлтан Жақсыгенге кеңес берді

Сондай-ақ өнер иесі әйелінің жұмысын да ұнатпағанын жасырмады. 

“Әйелім интим-тренер болып жүр екен. Маған айтқанда курс сатып алып, өзі пайдаланады екен деп ойладым. Ол өзі оқып, төсекте қалай болу керегін басқаларға да үйретіп жүр екен. Төсектегі жағдай төсектің ішінде қалуы керек. Естігенде қатты қарсы болып, шок болдым. Қысқарт деп айттым. Болмаса жолың ашық кете бер дедім. Маған ұнамайтын дүниелерді жасама деп айттым”, – деді әзіл әлемінің өкілі.  

Еске салайық, Нұрсұлтан Жақсыген екінші рет шаңырақ көтеретінін жариялаған еді.