Бұрынғы премьер Асқар Маминнің туыстары Лондонда құны 10 миллиард теңгеден асатын пәтерге иелік етеді

Фото: Primeminister.kz

Қазақстанның бұрынғы премьер-министрі Асқар Маминнің немере інілерінде Лондонда 10 миллиард теңгеге бағаланатын жылжымайтын мүлкі бар болып шықты. Бұл туралы Stan.kz ақпарат агенттігі “Выход к морю” Telegram-арнасына сілтеме жасап хабарлайды.

Қазақстанның бұрынғы премьер-министрі Асқар Маминнің немере інілері Ернар мен Алибек Маминдер Ұлыбритания астанасында жалпы құны 15,7 миллион фунт стерлинг болатын екі пәтерге иелік етеді. Бұл қазіргі курс бойынша 10,4 миллиард теңгеден асады. Құжаттар бойынша, бұл пәтерлердің нақты бақылаушысы – олардың әкесі әрі Асқар Маминнің туған ағасы Марат. Оның қолы болмаса Ернар мен Алибек мүліктерін сата немесе жалға бере алмайды.

Екі пәтер де Лондонның беделді Bayswater ауданында орналасқан, Кенсингтон бақтары мен Гайд-паркке жақын. Бұл парк маңы бұрынғы кеңес элитасы арасында танымал. Тек Владимир Ким мен Владимир Ни отбасылары (айта кетейік, екеуі де Нұрсұлтан Назарбаевтың жеке қаржылық кеңесшілері ретінде танымал) мұнда құны 150 миллион фунт стерлингтен асатын жылжымайтын мүлікке ие. Олардың көршілері – украиналық миллиардерлер Ринат Ахметов пен Дмитрий Фирташ, ресейлік олигархтар Олег Дерипаска мен Дмитрий Рыболовлев.

2014 жылы Асқар Маминнің туыстары осы ауданға көшіп келген. Сол кезде Асқар Мамин “Қазақстан темір жолы” ұлттық компаниясын басқарған. Олар тарихи Lancaster Gate кешенінде тұрған. Бірінші пәтер Марат Маминге 8,7 миллион фунт стерлингке түскен. 2022 жылғы желтоқсанда төрт жатын бөлмелі екі деңгейлі бұл пәтерлердің меншік иесі болып оның кіші ұлы Алибек аталған. Бірақ әкесі қол қою құқығын сақтап қалған, яғни оның рұқсатынсыз кез келген мәмілеге тыйым салынған. Бір жыл бұрын Марат Мамин сол үйде көрші пәтерді 7 миллион фунт стерлингке сатып алып, оны үлкен ұлы Ернарға жазған. Сол уақытқа дейін ұлдары Лондонда тұрақтап, кейбір бизнесін қолға алғанымен, қазір олардың компаниялары жоқ. Дегенмен бұл Марат Маминнің бүкіл отбасы, оның өзі, екі ұлы мен әйелі Гүлмира, ұлыбританиялық азаматтық алуына кедергі болмаған. Деректерге қарағанда, Асқар Маминнің туыстары бай қазақстандықтардан өзгеше, заңды бұзбай, туған азаматтықтан бас тартқан.

Назарбаев тұсындағы соңғы үкімет: Бұрынғы министрлер қазір қайда

Тоқаев, Мәсімов пен Ахметов: Тәуелсіз Қазақстанда кімдер премьер-министр болды

Қазақстанда Марат Маминнің отбасының бизнесі табысты дамыған, олардың қызығушылық салалары сауда, жылжымайтын мүлік пен ойын-сауық индустриясына байланысты болған. Журналист Дмитрий Шишкиннің тергеу жобасы деректеріне сәйкес, Ернар Мамин бірнеше компанияға иелік еткен, олар салық төлеу деректері бойынша жақсы айналымға ие болған. Марат Мамин өз кезегінде Астанадағы “Евразия” сауда орталығын басқарған.

Марат Маминнің отбасы Лондонда жылжымайтын мүліктен басқа, өзге елдерде де активтерге ие. АҚШ-та ол әйелімен бірге Орландо маңындағы коттеджге жазылған. Үй кішкентай көл жағасында, 20 соттық жер учаскесінде орналасқан. Онда алты жатын бөлме, сондай-ақ алты жуынатын бөлмесі, қонақ бөлме және үлкен ашық бассейн бар. Марат Мамин Флоридадан 8,2 миллион долларға сатып алынған мұхитқа қарайтан тағы бір коттеджді үлкен жеңілдікпен сату арқылы 2 миллион долларын жоғалтқан. Дегенмен мұхит көрінісі сол күйінде қалған. Сонымен қатар Марат Маминнің атына Майами маңындағы Aventura Marina Two кешеніндегі үш жатын бөлмелі, 278 м² пәтер тіркелген.

Дубайда, жаңа Таяу Шығыс дауының орталығына айналып, кейде ирандық дрондардың соққыларына ұшырап отырса да, Азаттық журналистері Марат Маминнің Al Bateen Residences-тегі құны 1 миллион доллардан асатын пәтерін тапты. Өз ағасынан айырмашылығы, бұрынғы премьер Асқар Мамин қымбат шетелдік жылжымайтын мүлікке әлі иелік етпеген немесе оны жақсы жасырған. Қаңтар оқиғаларынан кейін ол саясат пен қоғамдық өмірден шеттетілу арқылы Қазақстан хоккей федерациясының қарапайым басшысы болып тағайындалды.