Арменияның премьер-министрі отбасымен қоса коронавирус жұқтырды

Арменияның премьер-министрі Никол Пашинян мен оның отбасы мүшелері коронавирус жұқтырып алды, деп хабарлайды Stan.kz ақпарат агенттігі. 

Бұл туралы Никол Пашинян өзінің Facebook-тегі парақшасында өткен онлайн трансляция кезінде айтты.

"Мен коронавирусқа тест тапсырдым. Өкінішке қарай, менен коронавирус анықталды. Содан кейін отбасымның мүшелері де тест тапсырды, олардан да инфекция табылды. Бізде ауру белгілері жоқ, дене қызуы да қалыпты. Қазір барлығымыз оқшауландық. Үйде отырып жұмыс істеймін. Ол үшін барлық жағдай жасалған",- деп атап өтті Арменияның премьер-министрі.