Алматыда ұрланған көлік Шымкент қаласынан табылды
Алматыда "Дарабоз" шағын ауданындағы үйлердің бірінің ауласынан "Хюндай" көлігі ұрланған. Іздеу жұмыстары кезінде көлік Шымкент қаласынан табылды, деп хабарлайды Stan.kz ақпарат агенттігі.
Полицияға шағымданған әйел көлігінің 4 сағатта жоғалып кеткенін айтқан.
"Күдікті бейнебақылау камераларына түсіп қалған. Ол көліктің нөмірін ауыстырған. Күдік тудырмас үшін қаскөй ұрланған көлікке дәл сондай "Хюндай" көлігінің нөмірін орнатқан. Күдікті Шымкентте ұсталды", — деді Алматы қалалық полиция департаменті бастығының орынбасары Дидар Аханов.
Ұсталған жігіттің айтуынша, көлікті ұрлауға жәбірленушінің 2000 жылғы ұлы тапсырыс берген. Күдікті мен көлік иесінің ұлы дос болып шықты.
Қазір істің мән-жайы анықталып жатыр. Сотқа дейінгі тергеу басталды. Полицияның болжамынша, жастар сақтандыру төлемін алу үшін ұрлықты алдын ала жоспарлаған болуы мүмкін.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан