Алматы мәслихатының отырысында боқтап жіберген депутатқа қанша айыппұл салынғаны белгілі болды
Алматы соты мәслихат отырысында боғауыз сөз айтқан депутат Тимур Елеусізовке қатысты шешім шығарды. Бұл туралы Stan.kz ақпарат агенттігі хабарлайды.
Депутат "ұсақ бұзақылық" бабы бойынша жауапқа тартылды. Алматы қаласының әкімшілік құқық бұзушылық істері жөніндегі мамандандырылған ауданаралық соты депутатқа 73 840 теңге көлемінде айыппұл салды.
"WhatsApp желісі арқылы сот отырысына қатысқан Тимур Елеусізов өз кінәсін мойындап, әкімшілік құқық бұзушылық туралы хаттамада көрсетілген мән-жайларды растап, абайсызда сөйлегенін атап өтті", – делінген сот хабарламасында.
Еске салсақ, бұған дейін Алматы қалалық мәслихатының отырысында депутат Тимур Елеусізов баяндама оқып жатып, боғауыз сөз айтқаны туралы жазған едік.
"Азық-түлік пен медицина қолжетімді": Иранда тұратын қазақ қандастар Отанға оралғысы келмейтінін айтты
Ажар: “Ауруханалар мен университеттер бомбаланып жатыр”
"Асқан қатыгездік": Қазақстандықтар қаңғыбас иттерді жаппай өлтіру туралы заң жобасына қарсы шықты
Тұрғын: "Қоғамның деңгейі оның жануарларға деген қарым-қатынасынан көрінеді"