Алматы марафонында қырғыз қызы бірінші келіп, жарыстан шеттетілді
Қырғызстандық спортшы Айнуска Қалилқызы Қазақстанда өткен халықаралық жарыста бірінші орыннан айырылды. Бұл туралы Stan.kz ақпарат агенттігі Sport АКИpress басылымына сілтеме жасап хабарлайды.
29 қыркүйек күні таңертең Алматы марафонының кезекті жарысы өтті. Қалилқызы 21,1 шақырым қашықтыққа жүгіріп, 1 сағат 14 минут 27 секунд нәтижемен мәреге бірінші келді.
Алайда мәреден кейін қырғызстандық қыздың есімі қорытынды хаттамадан көрінбей қалған. Ақпарат көздерінің хабарлауынша, Қалилқызы велосипедшінің қолынан су алғаны үшін жарыстан шеттетілген.
Ережеге сәйкес, су мен тағамды тек арнайы тамақтану орындарында алуға болады.
Айта кетейік, бұған дейін Марафонда жүлделі орынға ие болған 72 жастағы қарияның биі желіде талқыға түскен еді.
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды
Қазақстандық оқушы ауа арқылы су тапшылығын жоюдың жолын қалай ойлап тапты: Оның өнертабысына шетел қызығуда
Ол жақында Венадағы БҰҰ штаб-пәтерінде Cleantech Days Forum 2026 форумында әлемнің үздік үш жас өнертапқышының қатарына енді