14 жыл бұрын жоғалып кеткен өзбекстандық әйел Нұр-Сұлтан қаласынан табылды
14 жыл бұрын із-түссіз жоғалып кеткен өзбекстандық әйел Нұр-Сұлтан қаласынан табылды. Әйел бұл уақыт аралығында түрлі жұмыс істеп келген, деп хабарлайды Stan.kz ақпарат агенттігі.
39 жастағы әйелді жақындары 2008 жылдан бері іздестірген. Нұр-Сұлтан қаласының полицейлері шетелдік азаматты рейд шаралары нәтижесінде тапқан.
"Іздеуде болған әйелдің сөзінше, Алматыға табыс табу үшін келген. Бұдан кейін ұзақ уақыт бойы Шымкент пен Қызылордада жұмыс істеген. Әйел құжаттарын жоғалтып алғанын айтады, осы себепті жақындарымен байланысқа шықпаған", – деді қалалық полиция департаментінің баспасөз қызметіндегілер.
Әйел үйдегі қызметші, кафені жинастырушы сынды түрлі жұмыстарды істеген. 2021 жылдан бастап Нұр-Сұлтан қаласында жалдамалы пәтерде тұрған.
Көші-қон қызметкерлері Өзбекстан азаматына уақытша құжат берген. Бір ай ішінде ол еш кедергісіз еліне қайта алады.
"Кәрісің, бізге жастар керек дейді": Қазақстандықтар 35-40 жастан кейін жұмысқа тұра алмайтындарын айтып, шағымданды
Тұрғын: "Ипотекамыз, екі кішкентай баламыз бар, болашағымызға алаңдаймын”
"Су тапшылығы болып, қала демала алмай қалады": Экологтар Көкжайлауда 650 миллиардқа салынатын тау кластері құрылысын тоқтатуды талап етті
Сөздерінше, құрылыс мұзды аймақтарға тікелей жақын орналасқан 3880 метр биікке салынады