Жетісу облысында ер адам итті көлікке байлап сүйреген

Жетісу полициясы итті көлікке байлап, жол бойымен сүйреген адамды тапты. Ит тәркіленіп, ер адамға айыппұл салынды. Талдықорған тұрғындары қорқынышты видеоны желілерге жариялады. Бұл туралы Stan.kz ақпарат агенттігі хабарлайды.

Кадрда иттің қозғалып келе жатқан көлікке әрең ілескені байқалады. Кейінірек полиция жүргізушіні тапты. Жарақат алған ит ветеринарлық қызметке тапсырылды, ал иесіне 18 500 теңге айыппұл салынды.

Оқыңыз

Атырауда әйел мысығын талағаны үшін итті күрекпен тоқтаусыз ұрған Оқыңыз

"Полиция қызметкерлері жануарларға қатыгездік жасаған жергілікті тұрғынды анықтап, жауапкершілікке тартты. Ит анықталып, ветеринарлық қызметке тапсырылды. Полиция жануарларға қатыгездік жасауға жол берілмейтінін және Қазақстан заңдары бойынша жазаланатынын еске салады", – деді Жетісу облыстық полиция департаментінің ресми өкілі Жанар Қалықова.

Еске сала кетейік, бір ай бұрын Қасым-Жомарт Тоқаев жануарларға қатыгездік жасағаны үшін жазаны қатаңдатуды бұйырды. Сол кезде депутаттар жануарларды өлтіргені үшін бас бостандығынан айыруды ұсынды. Сондай-ақ президент жануарлардың әл-ауқатын реттейтін заңға қол қойды. Түзетулер үй жануарлары иелерінің жауапкершілігін арттырады және қаңғыбас иттерді аулауды реттейді.