Ұлытау облысында тағы 30 отбасы баспаналы болды
Тұрғын үй кезегінде ұзақ жыл бойы тұрған Сәтбаев қаласының 30 отбасы бүгін қоныс тойын тойлады. Құрылысы енді аяқталған жаңа тұрғын үйлердің пәтер кілттері халықтың әлеуметтік осал топтары мен өзге де арнайы санаттар бойынша кезекте тұрған азаматтарға табысталды. Жалпы, биыл жыл соңына дейін Ұлытау облысында 900-ге жуық отбасы баспаналы болады деп жоспарланып отыр.
Жаңа пәтерлердің кілтін қала әкімі Мұрат Бөрібаев салтанатты түрде табыстап, қоныс иелерін қуаныштарымен құттықтады.
"Өздеріңіз білетіндей, мамыр айында да 30 отбасының жаңа баспанаға қол жеткізген қуанышына ортақ болған едік. Бүгін сол игі істің жалғасы ретінде тағы бірқатар отбасын қоныс тойымен құттықтап отырмыз. Қаламыздағы тұрғын үй қорын жаңғырту және тұрғындарды баспанамен қамтамасыз ету бағытындағы жұмыстар алдағы уақытта да жүйелі түрде жалғасады", – деді Сәтбаев қаласының әкімі Мұрат Бөрібаев.
"Бүгін менің отбасым үшін ерекше, қуанышты күн болды. 2014 жылдан бері тұрғын үй кезегінде тұрып, көптен күткен баспанама қол жеткіздім.Осы уақыт ішінде арманымыздың орындалуын күттік. Бүгін міне, өз үйіміздің кілтін алып, үлкен қуанышқа бөленіп отырмыз. Осындай мүмкіндік жасап, қолдау көрсеткен қала басшылығына, мемлекетімізге алғысымды білдіремін. Жаңа шаңырағымыз құт-берекеге толып, әр отбасы осындай қуанышқа жетсін!", – деді жаңа пәтер иесі Бекзат Балғабаева.
“Бұл – мен үшін көптен күткен ерекше қуаныш. Бүгінгі қуанышымды сөзбен жеткізу қиын, қатты толқып тұрмын. 2014 жылдан бері тұрғын үй кезегінде тұрдым. Осы жылдар бойы өз баспанам болса екен деп армандадым. Кеше пәтер кілтін алатынымды естігенде ерекше қуанып, көптен күткен арманымның орындалғанына сене алмай тұрдым. Өзім ІІ топтағы мүгедекпін. Бүгін екі бөлмелі жаңа пәтердің кілтін алып, үлкен бақытқа кенеліп отырмын. Бұл – мен үшін ғана емес, жақындарым үшін де үлкен қуаныш. Осындай мүмкіндік жасап, бізге қолдау көрсеткен мемлекетке, облыс және қала басшылығына шынайы ризашылығымды білдіремін. Барша баспана кезегінде тұрған азаматтарға осындай қуанышты күн тезірек бұйырсын. Жаңа шаңырағымыз құт-берекеге, бақ-берекеге толы болсын", – деді жаңа пәтер иесі Біржан Қожағұлов.
Аталған жоба Ұлытау облысы әкімдігі мен Отбасы банк арасындағы ынтымақтастық туралы келісім аясында жүзеге асырылуда.
Айта кетейік, облыс құрылған сәттен бастап, өңірде 400 мың шаршы метрге жуық тұрғын үй пайдалануға берілсе, биыл 73 мың шаршы метр баспананың құрылысы аяқталады деп күтілуде
Марқұм фельдшер Ұлдана Мырзуанның күйеуі 8 ай өткен соң қайта шаңырақ көтерді
Желі қолданушылардың бірі Зейнел Әділеттің жаңа әйелі марқұмның жақын араласқан құрбысы екенін айтады
"300 мың теңге артық шығарған": Fortebank өз автокассасының кінәсінен қазақстандықтың шотын бұғаттап тастады
Желі қолданушысы банк қателігінен болған жайт үшін неге қиналуы керек екеніне шамданды