Түркияның Қазақстандағы елшілігі халыққа үндеу жолдады

Түркияның Қазақстандағы елшілігі қазақстандықтарға үндеу жолдады, деп хабарлайды Stan.kz ақпарат агенттігі. 

Елшілік Түркияның оңтүстік-шығысындағы жер сілкінісінен зардап шеккендерге қажетті заттардың тізімін нақтылады.

"Жер сілкінісінен кейінгі бірінші кезектегі қажеттіліктер мен логистикалық мүмкіндіктерге байланысты, біздің елшілікке/ Бас консулдыққа көрсетілетін көмек тек төменде келтірілген материалдармен шектелсе деген өтінішіміз бар", - делінген хабарламада.

• Түркиядағы қазақстандық құтқарушыларға тамақ дайындап әкелген қырғыз әйел көпшілікті тамсандырды


• Ақтауда мұғалімдер Түркияда зардап шеккендерге көмек үшін күштеп ақша жинатып жатқанын айтып шағымданды

Түркиядағы жер сілкінісінен зардап шеккендер үшін келесі заттар қажет:

• шатырлар,
• генераторлар,
• жылытқыштар,
• көрпелер
• ұйықтайтын сөмкелер.

Көмекті Астана қаласы, Жұмабек Тәшенов көшесі, 3 мекенжайы бойынша ҚР-дағы Түркия елшілігіне, сондай-ақ Алматы қаласы, Төле би көшесі, 29 мекенжайы бойынша Түркияның Алматыдағы Бас консулдығына апаруға болады.