СҚО-да соңғы тәулікте вирус жұқтырғандардың екеуі тұмауратып келген
Солтүстік Қазақстан облысында COVID-19 коронавирусын өткен тәулікте 4 адам жұқтырған, олардың екеуі бұған дейін ауырғандармен байланыста болмаған, деп хабарлайды Stan.kz ақпарат агенттігі.
Шұғыл штабтың мәліметінше, өңірде коронавирус жұқтырғандардың біреуі – 1988 жылы туған әйел, қалғандары - 1986, 1989, 1993 жылы туған ер адамдар.
Жұқтырғандардың үшеуі – Петропавл қаласының тұрғыны, ал тағы біреуі Тайынша ауданында тұрады.
Оларда коронавирус ПТР диагностикалық зерттеу нәтижесі бойынша табылды. Соның ішінде талдаулар екі тұрғыннан іріктеліп алынды, яғни олар бұған дейін науқастармен жақын байланыста болған. Ал екеуі суық тию белгілерімен медициналық мекемеге жүгінген.
Барлығы Петропавл қалалық ауруханасының жұқпалы аурулар бөліміне жатқызылды. Қазір тиісті түрде емделіп жатыр. Ауру ошақтарында дезинфекциялық жұмыстар жүргізіледі.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"