Шымкентте оқушы қыздар боди массажист болып жұмыс істеген
Шымкентте 15 жастағы оқушылар ересек ер адамдарға боди массаж қызметін көрсеткен. Бұл туралы Stan.kz ақпарат агенттігі хабарлайды.
Фото: Pixabay.com
Egovpress Telegram арнасының мәліметінше, жасөспірім қыздар бұл жұмысты интернеттегі хабарландырулар арқылы тапқан. Олар ер адамдарға дене массажын жасап келген. Алайда боди массаждың классикалық массаждан айырмашылығы мұнда клиенттердің тек денесіне ғана емес, интимдік аймақтарына да массаж жасалады.
"Аталған факт биыл мамыр айында анықталды. Қылмыстық іс қозғалды. Барлық қатысы бар адамдар анықталып, полицияға жеткізілді", — деп хабарлады Шымкент полиция департаменті.
Сараптама тағайындалып, тергеу жалғасып жатыр.
Еске салсақ, осыған дейін Шымкент қаласында 9-сыныпта оқитын жасөспірім қыздар көпқабатты пәтердің бірінде еркектерді қабылдап, боди массаж жасағаны туралы жазғанбыз.
Талқылау