Шымкентте кісі өлтірді деген күдікті изоляторда өзіне қол салған
Шымкентте кісі өлтірді деп күдікке ілінген ер адам тергеу изоляторында өз-өзіне қол салды. Қалалық қылмыстық-атқару жүйесі департаментінің мәліметінше, күдікті түнде тамырын кесіп тастаған, деп хабарлайды Stan.kz ақпарат агенттігі.
1962 жылы туған ер адам наурыз айының ортасында кісі өлтіру ісі бойынша күдікті ретінде ұсталған. Айыпталушы 2022 жылдың 20 сәуіріне өзіне қол жұмсаған. Ол бейнебақылау камераларына түсіп қалмауы үшін көрпе жамылған. Сондай-ақ камерада онымен бірге бес-алты адам болған.
Мекеме қызметкерлері алғашқы көмек көрсеткен, жедел жәрдем бригадасы шақырылған. Оқиға орнына келген жедел жәрдем қызметкерлері күдіктінің қан жоғалтып, мерт болғанын анықтаған.
"Бұл дерек бойынша департаментте қызметтік тергеу жүргізілді, оның нәтижелері бойынша қызметкерлер жауапқа тартылды. 11 мамырдағы қашу дерегі мен суицид арасында өзара байланыс жоқ. Қашқан адам мекемеге 7 мамырда келді", – деді Шымкент қаласы және Түркістан облысы ҚАЖД баспасөз қызметіндегілер.
ҚАЖД мәліметінше, күдіктінің бұрын кісі өлтіргені үшін сотты болған.