Шымкентте бір жасар сәби үшінші қабаттан құлап кетті

Шымкентте бір жасар сәби көпқабатты үйдің терезесінен құлап кетті. Үлкендердің қарауынсыз қалған бала үшінші қабаттан құлап, ауруханаға ауыр халде жеткізілген, деп хабарлайды Stan.kz ақпарат агенттігі OTYRAR-ға сілтеме жасап.

Қалалық ТЖД баспасөз қызметінің хабарлауынша, оқыс оқиға 16 шілде күндізгі сағат 12:30 шамасында болған. 

"Оқиға Қаратау ауданының Тұран ықшам ауданында, 5 қабатты тұрғын үйде болған. Үлкендердің қарауынсыз қалған 2021 жылы туған сәби үшінші қабаттан құлап, ауруханаға жатқызылды (жағдайы ауыр). Қазіргі уақытта баланың жағдайы тұрақты", – деп хабарланды ведомстводан. 

• "Бала жай терезеден қараған": Құтқарылған бүлдіршіннің анасы Есдәулет Дәуітбековтің ерлік жасағанына сенбейтінін айтты

• Атырауда егіз қыздар үшінші қабаттың терезесінен құлап кетті

ТЖД хабарлауынша, осымен үшінші бала терезеден құлап кетіп отыр. Қуанышқа қарай, үшеуі де дін аман. Дегенмен мамандар балаларды қараусыз қалдырмауға, қауіпсіздік шараларын сақтауға шақырады.