Садриддин Ахмедовтың келесі жекпе-жек уақыты белгілі болды
Қазақстандық бірінші орта салмақтағы боксшы Садриддин Ахмедов (15-0, 13 КО) келесі жекпе-жегін 2025 жылдың 19 сәуірінде АҚШ-тың Калифорния штаты, Коммерс қаласында өткізеді. Бұл туралы Stan.kz ақпарат агенттігі хабарлайды.
Фото: 12rounds.ca
Оның қарсыласы мексикалық боксшы Элиас Эспадас (23-6, 16 КО) болады. Жекпе-жек он раундқа жоспарланған.
Қазір Элиас Boxrec статистикалық ресурсының бірінші орта салмақтағы боксшылар рейтингінде 206-орында тұр. Ал қазақстандық боксшы бұл кестеде 32-орында.
Садриддин Ахмедов соңғы жекпе-жегін 2024 жылдың 13 желтоқсанында Калифорнияда өткізіп, америкалық Рафаэль Игбоквені (17-6, 7 КО) жетінші раундта нокаутпен жеңді.
Қазіргі уақытта Ахмедов Геннадий Головкинмен жұмыс істеген танымал промоутер Том Леффлермен және бұрынғы бапкер Абель Санчеспен, экс-менеджер Олег Германмен серіктестік орнатқан.
Талқылау