Қазақстан мен Қырғызстанның ішкі істер министрліктері ауған апиыны тізбегінің жолын кесті
Қазақстан мен Қырғызстан ішкі істер министрліктері бірлескен арнайы операция өткізіп, халықаралық ауған апиын жеткізу тізбегінің жолын кесті. Бұл туралы Stan.kz ақпарат агенттігі хабарлайды.
Ішкі істер министрлігі халықаралық есірткі тасымалына қарсы күрес шаралары аясында сыртқы ауған апиын жеткізу тізбегін бұзды.
Нәтижесінде Шымкентте екі қазақстандық азамат ұсталды.
Ішкі істер министрлігінің мәліметінше, күдіктілерден шамамен 5 келі ауған апиыны тәркіленген.
ОқыңызЕсірткі қылмысына қарсы күрес комитетінің департамент басшысы Бақытжан Әмірхановтың айтуынша, Қылмыстық кодекстің 297-бабының 3-бөлігі бойынша сотқа дейінгі тергеу басталды. Ұсталғандар уақытша ұстау изоляторына қамалды.
Есірткі контрабандасы және трансұлттық ұйымдасқан қылмыстық топқа қатысуға қатысты қосымша айыптар да қарастырылып жатыр.
Агенттік халықаралық есірткі тасымалы арналарын анықтау және жою жұмыстары жалғасып жатқанын атап өтті. Тыйым салынған заттарды Қазақстанға әкелу әрекеттеріне де, олардың ел арқылы транзитіне де ерекше назар аударылуда.
Еске салсақ, Ақтауда шетел азаматы 114 апиын капсуласын жұтып, шекарадан өтпек болған еді.
