Қазақстандық теннисші Анна Данилина “Роллан Гарростың” ширек финалына өтті
Қазақстандық Анна Данилина Париждегі "Үлкен дулыға" турниріндегі үшінші жұптық кездесуінде украиналық жұп Ангелина Калинина мен Даяна Ястремсканы жеңді. Бұл туралы Stan.kz ақпарат агенттігі хабарлайды.
Қазақстанның бірінші ракеткасы “Роллан Гаррос” жарысында сербиялық Александра Круничпен бірікті. Қазақстан-серб дуэті бұл кездесуде қатарынан 6-4, 6-4 есебімен 1 сағат 31 минутта жеңіске жетті.
Келесі раундта олар Эллен Перес пен Деми Шурс және Беатрис Хаддад Майя мен Людмила Самсонова арасындағы кездесудің жеңімпаздарымен кездеседі.
ОқыңызАйта кету керек, қазақстандық ойыншы 2026 жылғы Аустралия ашық чемпионатының финалына Круничпен бірге шықты.
"Үлкен дулыға" турнирінің сәтті өткенінен кейін Данилина мен Крунич Дохада титулды жеңіп алды, Дубайда жартылай финалға шықты және Индиан-Уэллстің финалына шықты.
Француз ашық чемпионатының жекелей жарысында Қазақстаннан төрт өкіл бастады.
Қазақстанның ең үздік әйел теннисшілері Елена Рыбакина мен Юлия Путинцева екінші айналымда жарыстан шықты. Ерлер арасында Александр Бублик пен Александр Шевченко бірінші айналымда қарсыластарынан жеңіліп қалды.
Жұптық және аралас жұптық сында тек Анна Данилина бақ сынады.
