Павлодардан Ресейге жанармай цистерналарын заңсыз өткізбек болғандар ұсталды

ҚР Қаржы мониторингі агенттігі Павлодардан Ресейге жанармай құйылған төрт цистернаны заңсыз алып шықпақ болғандар туралы айтты, деп хабарлайды Stan.kz ақпарат агенттігі.

"Павлодар облысында органикалық еріткіш атын жамылып Ресейге өткізбек болған төрт теміржол цистернасы дизельдік отынмен ұсталды", - делінген хабарламада.

Жамбыл облысында да жанар-жағармай құйылған цистерналар Қырғыз Республикасына әкетпек болған кезде ұсталған.

• Қазақстанда жүз азаматтың алтауы өзіне жаңа киім немесе аяқ киім сатып ала алмайды - Сарапшылар

• 23 күдікті ұсталды: Ішкі істер министрлігі еліміздің 5 аймағында арнайы операция жүргізді

"Құжаттарда лакты кетіруге арналған еріткіш ретінде көрсетілген АИ-92 маркалы бензині бар бес теміржол цистернасы ұсталды. Тәркіленген жанар-жағармайдың жалпы сомасы шамамен 60 млн теңгені құрады", - деп хабарлады агенттік.

Сотқа дейінгі тергеп-тексеру аясында жанар-жағармайдың шығу көздері мен оның айналымына қатысы бар тұлғалар анықталды.