Өзін риэлтормын деп таныстырған: Астанада алаяқ адамдарды 2 млн теңгеге алдап кеткен
Астанада алаяқ өзі жалға алған пәтерді жалға беру туралы хабарландыру жариялаған. Ол өзін риэлторлық компанияның қызметкерімін деп таныстырған, деп хабарлайды Stan.kz ақпарат агенттігі.
Артынша жәбірленушілерден ақша алып, ақшаны құртып тастаған. Келтірілген шығынның жалпы сомасы 1,7 миллион теңгеден асады.
Астана қаласы Есіл ауданының №2 аудандық соты азамат О.-ға қатысты бірнеше рет алаяқтық жасау фактісі бойынша (ҚК 190-бабы 3-бөлігінің 4-тармағы) айыптау үкімін шығарды.
Сотталушы өз кінәсін мойындамады. Алайда жәбірленушілер мен куәлардың айғақтары, жалға беру шарттарының көшірмелері, хат-хабарлардың скриншоттары және қылмыстық істің басқа да материалдары расталды.
"Сот қылмыстық жауаптылық пен жазаны жеңілдететін мән-жайларды анықтаған жоқ. Сот қылмыстардың қайталануын жазаны ауырлататын мән-жай деп таныды", – деді Астана қаласы Есіл ауданының №2 аудандық соты.
Сот О.-ны алаяқтық жасағаны үшін кінәлі деп тауып, 4 жылға бас бостандығынан айырды.
Жәбірленушілердің азаматтық талаптары толық көлемде қанағаттандырылды.
Соттың үкімі заңды күшіне енген жоқ.