Кореяда 30 қыркүйек пен қарашаның соңына дейін заңсыз жүрген шетел азаматтарымен күресу бойынша жалпыұлттық операция жүріп жатыр. Ұсталғандар айыппұл төлеп, отанына депортацияланады.

Заңсыз мигранттардың шамамен 40%-ы Оңтүстік Кореяға турист ретінде визасыз режимде келген. Бұл елде бір айға жуық тұруға мүмкіндік береді. Бірақ олар кейін ауылдық жерлерге жұмысқа орналасып, қалып қояды.

Оңтүстік Кореядағы заңсыз мигранттардың жалпы саны 410 мың адамнан асты. Сонымен қатар мұнда турист ретінде келіп, жұмыс істеуге қалғандар саны екі есе артқан. Олардың ішінде ең көп заңсыз иммигранттар Таиландтан келеді – 145 мыңнан астам адам. Екінші орында Қытай азаматтары – 150 мыңға жуық, ал қазақстандықтар үшінші орында – 10 827 адам.

Рейдтер жылына 20 мыңға жуық заңсыз иммигранттарды анықтауға көмектеседі екен. Оның айтуынша, заңсыз еңбек мигранттарының басым бөлігі балық аулау мен мал шаруашылығында, сондай-ақ ауылдардағы шағын зауыттарда жұмыс істейді.

Кореяда 7 жылдан астам заңсыз тұрып жатқандар 30 миллион вонға дейін айыппұл төлеуі керек екенін атап өтті. Егер адам 5 жыл заңсыз тұрса, онда айыппұл мөлшері – 2,5 миллион вон. Бірақ көбі бұл соманы төлей алмайды. Әдетте, айыппұлсыз елден шығарылады.

“Менің ойымша, ауыл шаруашылығында, балық аулау немесе мал шаруашылығында жұмыс істейтін заңсыз иммигранттарды заңдастыру мүмкіндігін қарастырған жөн. Кореяда бақылау камераларын кеңінен қолданудың өзінде заңсыз иммигранттардың барлығын ұстау мүмкін емес. Егер заң бұзушылық туралы белгі болмаса, полиция мен көші-қон қызметі келіп қамауға алмайды. Бізде мұндай тексерулерді жүргізуге ресурстар да жетіспейді”, – деді виза және әкімшілік агенттігінің президенті Ким Чен Мин.

Корея үкіметі де заңсыз иммигранттарды жалдаған кәсіпкерлерге қатысты жазаны күшейтті. Бұл үшін жұмыс берушілер 3 жылға дейін бас бостандығынан айырылу немесе 30 миллион вонға дейін айыппұл салынуы мүмкін. Мұндай шаралар елде болу мерзімін бұзған шетелдіктердің жұмысқа алынбауына әкелді. Бірақ заңсыз иммигранттарды жалдаған жұмыс берушілер жұмысшыларын жиі алдап, тапқан ақшасын төлемейді.

“Заңсыз мигранттар орындалған жұмыс үшін ақы талап етуге құқылы. Егер жалақының төленбеуіне байланысты мәселе туындаса, еңбек инспекциясына хабарласу керек. Көп жағдайда жазадан құтылу үшін жұмыс беруші жалақыны қайтарады. Алайда жұмыс беруші жалақыны төлей алмаса, жалақыны өндіріп алу үшін азаматтық сот ісін жүргізу керек”, – деді корей заңгері Ко Мин Сеок.

Сарапшылар заңсыз көші-қон мәселесі әлі де өзекті болып қала беретінін мойындап отыр. Өйткені корей ауылдарында бала туу деңгейі төмен болғандықтан, жұмыс істейтін адам жоқ. Ал үкімет жыл сайын шетелден жұмыс күшін тарту квотасын арттырғанымен, Оңтүстік Кореяға ресми түрде жұмыс істеуге келгендердің көбі келісімшарт мерзімі біткен соң заңсыз жұмыс істеуді жалғастырады.

Талқылау