Нұр-Сұлтанда ер адам курьерді таяқпен ұрған: Полиция тергеу бастады (видео)
Әлеуметтік желіде "Glovo" жеткізу қызметінің курьерін соққыға жыққан видео жарияланды. Куәгерлердің айтуынша, оқиға Нұр-Сұлтан қаласында болған. Қазір полиция таяқпен курьерді ұрған ер адамға қатысты тергеу бастады, деп хабарлайды Stan.kz ақпарат агенттігі ҚазАқпаратқа сілтеме жасап.
Куәгерлер мопед жүргізушісі жол ортасында кілт тоқтаған соң жанжалдың басталғанын айтады. Көліктен түскен ер адам курьерді таяқпен ұра бастаған. Өзге азаматтар араша түскен соң көлікке отырып, кетіп қалған.
"Ағымдағы жылдың 22 тамызында сағат 19:50 шамасында полицияға "Glovo" курьерін ұрып-соғып дене жарақатын салғаны туралы хабарлама түсті. Аталған факті бойынша Есіл аудандық полиция басқармасы Қылмыстық кодекстің 293-бабы (Бұзақылық) бойынша сотқа дейінгі тергеу амалдарын бастады. Оның қорытындысы бойынша процессуалдық шешім қабылданатын болады", – деді Нұр-Сұлтан қалалық Полиция департаментінің баспасөз хатшысы Нұралы Тәңірбергенов.
Әуежайда әйелдің өмірін сақтап қалған Мұса Әбдірайым – “Жыл адамы 2025” атанды
Дауыс жинаған жандардың қатарында: Мейірман Шекеев, Гүлмира Мұханқызы, Турсен Алагөзов, Темірлан Анарбеков, Ұлдана Мырзуан болды
"Сахнада сақау, сауатсыз әншілер көп": Жеңіс Ысқақова әріптестерінің деңгейін сынады
Әндерінің мазмұны жұтаң, мағынасы жоқ