Назарбаевтың жақында жарық көрген кітабына пікір білдірген Тоқаев өзінің мемуар жазуға деген көзқарасын айтты
Қазақстан президенті Қасым-Жомарт Тоқаев тұңғыш президент Нұрсұлтан Назарбаевтың жақында жарық көрген мемуары жайлы пікір білдірді. Сонымен қоса ол Назарбаевты әділ тарихи бағасын алуға лайық адам деп атады. Бұл туралы Stan.kz ақпарат агенттігі Егемен Қазақстан басылымына сілтеме жасап хабарлайды.
Тоқаев Назарбаевтың “Менің өмірім. Бодандықтан – бостандыққа” кітабы тәуелсіз мемлекет құру ісінің жылнамасы ретінде оқырман қызығушылығын туғызады деп санайтынын жеткізген.
“Кезінде бір айтқыш "Мемуарда шындықтың жартысы айтылса да, ол тарихи оқиғалардың ауқымын бағамдауға жеткілікті" деген екен.
- "Мұны халық шешеді": Қазақстан президенті АЭС құрылысына қатысты туындаған сұрақтарға пікір білдірді
- ЖЭС пен тұрғын үй-коммуналдық шаруашылығындағы мүшкіл ахуал – көп жылғы салғырттықтың салдары - Тоқаев
Нұрсұлтан Назарбаев – бірнеше дәуірге куә болған тарихи тұлға. Ол өз мансабын комсомол белсендісі ретінде Хрущев заманында бастап, арада алпыс жылдан астам уақыт өткеннен кейін қызметтен кетті. Қазақстанның тәуелсіз мемлекет болып қалыптасуына қосқан үлесін бәрі біледі. Ол – әділ тарихи бағасын алуға лайық адам”, – дейді президент.
Мемуарларды, публицистикалық шығармаларды, саяси очерктерді әрдайым ыждағатпен оқитынын айтқан мемлекет басшысы өзі үшін “қазіргі кезең мемуар жазып отыратын уақыт емес” екенін жеткізген.