Жуырда Жаңақорған ауданына қонаққа барып келген Жанар Ахметова редакциямызға мұндағы қожалардың тұрмысындағы өзгешеліктер туралы,-Stan.kz тілшісіне айтып берді.

«Осыдан бірнеше ай бұрын құдамыз ұлын ұйлендіріп, той жасаған еді. Кейін бізді үйлеріне қонаққа шақырды. Біз жақта «тәтті шай» деген дәстүр бар. Жаңадан тсүкен келіннің қолынан шай ішеміз деп ойлаған едік. Алайда бәрі біз ойлағандай болған жоқ», – дейді тұрғын.

Жанар туыстарының қонақтарды өз деңгейінде қарсы алғанын айтты. Дастарханға бар жақсысын қойып, жаңа түскен келіні меймандарға сәлемін салып, сыйын көрсетіп жүрген.

«Барлығымыз жиналып, дастарханда бос қосқанымызда келіні асханаға кетіп қалды. Оны шақыртқанымызда құдамыз келінін қожа емес екенін айтты. Құдағайымыз жеті руға дем берген қожалар екенін, келіндері «қарадан» болғанын, онымен бірге отырып тамақ ішпейтіндерін айтты», – дейді Жанар Ахметова.

Жалпы, көп жағдайда қожалар келіндерін өз руларынан алатындары белгілі. Бірақ Жанардың туыстары ұлдарына басқа румен жақындасуына рұқсатын беріпті. Оның ойынша, әулиет үлкендерінің мұндай шешімге келуіне жаңадан түскен келіннің аяғы ауыр болып қалуы себеп екен.

«Әрине, мұндай дәстүр мені қатты таңғалдырды. Өркениет дамыған тұста, бұл салт жабайылық секілді. Ертеңгі күні ол келіннің өмірі мені қатты алаңдатады. Қашанғы шыдап жүретінін кім біледі»,-дейді ол.

Жанардың айтуынша, жаңа келіннің төркіні бастапқыда бұл жағдайға реніштерін білдірген. Бірақ қыздарының бақыты үшін, көз жұма қарауларына тура келіпті.

Оқи отырыңыз:

Тараз тұрғыны сүйіктісінен бүкіл қала халқы алдында кешірім сұрады (фото)

Жамбылда өз ауласында өлі табылған депутатқа қатысты қылмыстық іс қозғалды

Қытайлық мейрамхана әйелдердің кеудесінің өлшеміне байланысты жеңілдіктер ұсынды

Талқылау