"Көзімнің тұсын жырып, қабағым жарылды": Ләйлә Сұлтанқызы ұшақта оқыс оқиғаға тап болды

Танымал журналист, продюсер Ләйлә Сұлтанқызы ұшақта денсаулығына зақым келтіріп алды. Бұл туралы Stan.kz ақпарат агенттігі хабарлайды. 

Фото: https://www.instagram.com/sultankyzy/

БАҚ өкілінің айтуынша, оқиға Шымкенттен Астанаға ұшып келе жатқанда болған. 

“Бүгін кешкі 21:50 шамасында KC7326 рейсімен Шымкенттен Астанаға ұшып келдім. Ұшақтың есігі ашылмай, тұрып кеткен жанымдағы жолаушының абайсыздығынан бетіме үстіңгі сөреде тұрған ауыр (қатты) зат, отырған маған құлап, көзімнің тұсын жырып, қабағым жарылды. Бұл әуекомпаниясы қауіпсіздік шарасын сақтамағандықтан орын алған жағдай. Бортсеріктер мен әуекомпанияның алғашқы көмекке дайын емес болғанына қапа болдым! Не аптечка, не мұз, не суық зат, не қан тоқтатын, не салфетка жоқ”, – деп ашуланды медиа маманы. 

• FlyArystan компаниясына 3,6 миллион теңге айыппұл салынды

• Air Astana Астана әуежайын Fly Arystan ұшағын зақымдады деп айыптады

Сонымен қатар журналист әуе компаниясының үстінен арыз жазғанын мәлімдеді. 

“Меніңше, орнымда бала, қарт адам отырып, басы жарылса, қатты жараланса, миы шайқалса, көп қан кетсе, жағдай қиын болар еді. Жауапсыздық! Әр бортсерік жолаушы мініп-түскенше адам денсаулығына жауапты, алғашқы көмек көрсетуге міндетті”, – деп жазды продюсер. 

Айта кетейік, FlyArystan әуекомпаниясы 12 жасар қызды бортқа мінгізбей, жалғыз өзін өзге қалада тастап кеткенін жазған едік. 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Ләйлә Сұлтанқызы (@sultankyzy)