Қостанай облысында жасөспірімдер қатарласын ыстық затпен күйдірген
Фото: Ru.freepik.com
Лисаков қаласында жасөспірімдер металл қалақты отқа қыздырып, ұйықтап жатқан қыздың денесіне басқан. Оқиғаға қатысы бар жасөспірімнің бірінің анасы қызына дұрыс тәрбие бермегені үшін әкімшілік жауапкершілікке тартылды. Бұл туралы Stan.kz ақпарат агенттігі хабарлайды.
Лисаков қалалық соты кәмелетке толмаған баласын дұрыс тәрбиелемегені үшін жергілікті тұрғынға қатысты әкімшілік істі қарады. Іс материалдарына сәйкес, 2012 жылы туған қыздың анасы оның тәртібіне тиісті бақылау жасамаған.
Оқиға 2025 жылы сәуір айында болған. Кәмелетке толмаған қыздар пәтерде бірге болған қатарлас құрбысына қасақана дене жарақатын салған. Олар газ плитасына металл асүй қалақшасын қыздырып, оны ұйықтап жатқан қыздың сол бетіне, оң аяғына және сол қолына кезек-кезек басқан. Жәбірленуші ауырсынудан оянып, айқайлаған.
Сотта қыздың анасы кінәсін мойындап, болған оқиға үшін өкінетінін айтты.
Сот үкімімен ол кінәлі деп танылып, 55 000 теңге көлемінде айыппұл салынды. Шешім әзірге заңды күшіне енген жоқ.
100 жылқыны ұрлады деп жала жабылған ақтөбелік қария жалғыз үйінен айырылуы мүмкін
“100 жылқым жоғалды” деген қожайыны 60 жастағы азаматты екі бірдей сотқа сүйреп, мойнына 10 миллион теңге қарыз ілген
Алматылық зейнеткердің ForteBank депозитіндегі ақшасы екі рет ұрланған: Ол ақшасын 4 жылдан бері қайтара алмай жүр
74 жастағы зейнеткердің ForteBank-тің клиенті болғанына он жылдан асқан