Қазақстанда 2021 жылы коммуналдық қызметтер бағасын арттырудан бас тартты
Монополияға қарсы органдар монополистердің 2021 жылы коммуналдық тарифтерді көтеру туралы өтініштерін қолдаудан бас тартты. Бұл туралы ҚР ҰЭМ Табиғи монополияларды реттеу комитетінің төрағасы Асан Дарбаев айтты, деп хабарлайды Stan.kz ақпарат агенттігі "КТК" арнасына сілтеме жасап.
"Қазіргі уақытта біз табиғи монополия субъектілерінің жаңа тарифтерді бекіту туралы 143 өтінімі бойынша жұмыс істеп жатырмыз. Көрсетілген өсім айтарлықтай болды, бірақ бізде тарифтердің негізделген өзгеруін қамтамасыз ететін бірқатар қағидаттар қолданылады. Осының барлығы бізге 2021 жылы халық үшін тарифтерді 2020 жылғы деңгейде сақтап қалуға мүмкіндік береді", - деді Асан Дарбаев.
Дегенмен арна мәліметінше, бұл уәде орындалмауы да мүмкін.
"Екі жыл бұрын Қауіпсіздік кеңесінің отырысында энергетиктерді азаматтар есебінен заңсыз байыды, ал монополияға қарсы ведомствоны – әлсіз деп айыптады. Тарифтер қайта есептелді, бірақ бір жылдан кейін көмірдің қымбаттауына байланысты мәселе тағы да көтерілді, өйткені ЖЭО-ның көп бөлігі қатты отынмен жұмыс істейді. Сондықтан жағдайдың қайталанбасына кепілдік жоқ, дейді мамандар. Сонымен қатар, қазақстандықтар әрдайым есепшот бойынша төлемейді. Бүгінгі таңда халық 23 миллиард теңге, заңды тұлғалар 44 миллиард теңге қарыз", - делінген сюжетте.