Қазақстан полициясы күшейтілген режимде қызмет істеуге көшті
Қазақстан полициясы мереке күндері күшейтілген режимге көшті. Бұл туралы Stan.kz ақпарат агенттігі хабарлайды.
Фото: ІІМ
Ішкі істер министрлігі мәлім еткендей, мереке күндері – 6-9 мамырда полиция қызметкерлері құқық тәртібі мен қоғамдық қауіпсіздікті қамтамасыз ету мақсатында күшейтілген жұмыс режиміне ауысады.
“Республика бойынша 21 мыңнан астам полиция қызметкері мен Ұлттық ұлан сарбаздары қызмет етіп жатыр”, – делінген хабарламада.
Айта кетейік, биыл қазақстандықтар Отан қорғаушылар күні мен Жеңіс күніне орай 7, 8 және 9 мамырда демалады. 10 мамыр жұмыс күні, 11-12 мамыр қазақстандықтар демалады.
Бұған дейін 8 мамыр демалыс күні болып бекітілген еді.
Талқылау