Қарағандыда кәмілетке толмаған екі қызды зорламақ болған педофил іздестірілуде
Қарағандыда полиция екі қызға қиянат жасамақ болған педофилді іздеуде, деп хабарлайды Stan.kz ақпарат агенттігі.
Әлеуметтік желілерде Қарағанды қаласының оңтүстік-шығысында кәмелетке толмаған қыздарға жыныстық зорлық жасауға екі рет әрекет жасалды деген ақпарат таралды.
Белгісіз біреу көшедегі кәмелетке толмаған екі қыздың қасына келіп, түрлі сылтаулармен оларды алдап, зорлық-зомбылық жасамақ болған.
Екі қыз зорлаушыдан қашып құтылғанын, содан кейін олар ата-аналарына оқиға туралы айтып бергенін, ата-анасы дереу полицияға жүгінгенін айтады. Қарағанды облысының полиция басқармасы бұл ақпаратты растады, қазіргі уақытта күдікті іздестіріліп жатыр.
«Оңтүстік-шығыс сектордың аумағында екі факті орын алды. Оларға қатысты қылмыстық кодекстің 24-бабының 3-бөлігі және 120-бабының 4-бөлігі Зорлау әрекеті бойынша сотқа дейінгі тергеу амалдары басталды. Қазіргі уақытта жәбірленушілерден күдіктінің ауызша портреті жасалды. Оны анықтау және ұстау үшін қажетті жедел-іздестіру шаралары», - деп хабарлады Қарағанды облысының ДП баспасөз қызметі.
"Мүгедектер мен аурулар саны артып келеді": Бір аптадан бері түтінге тұншығып отырған атыраулықтар дабыл қақты
