Грузияда азаматтар биліктің отставкаға кетуін талап етіп, наразылыққа шықты
Азаматтық сектор, оппозициялық саяси партия өкілдері мен тұрғындар 3 шілдеде Тбилисдегі парламент ғимаратының маңында митинг өткізіп, үкіметтің отставкаға кетуін талап етті, деп хабарлайды Stan.kz ақпарат агенттігі.
Наразылық білдіргендер елде реформа жүргізе алатын және Еуроодаққа мүшелікке қабылдануға қол жеткізе алатын министрлер кабинетін жасақтауды талап етті. Сонымен қатар олар парламент ғимараты орналасқан Руставели даңғылын жауып тастаған. Митинг "Еуропадағы үйімізге" деп аталады.
Еуроодақ көшбасшылары одақ саммитінде 23 маусымда Украина мен Молдавияға ұйымға қосылу үшін кандидат мәртебесін берген. Олар Грузияның еуропалық келешегін мойындап, оған да бірнеше талапты орындаған соң мәртебені беруге дайын екенін мәлімдеген. Грузияда билік реформасын жүргізу үшін алты ай уақыт бар. Үш елдің Еуроодаққа қанша уақытта қосылатыны белгісіз. Еуроодақ мүшелігі туралы келіссөз 10 жылдан аса уақытқа созылуы мүмкін.
Талқылау
Қазақстандық көпбалалы ана "Асар Уме" қайырымдылық қорын апатты үй берді деп айыптады
Екінші топ оқырмандар көпбалалы ананың қанағатсыздығын сынады
"70 күннен аса жүрдік": Қытайдан Астанаға атпен жолға шыққан жас жұбайлар көпшіліктің ықыласына бөленді
Бүгінде күллі қазақ жұрты оларды желіде бақылап, біразы алдынан күтіп, қонақ етіп жатыр