Каспий теңізіне қалдықтарды төгуде: Ақтаулықтар танымал қонақүйдің әрекетіне ашуланды (видео)
Әлеуметтік желіде Каспий жағалауында түсірілген видео тараған еді. Кадрлардан құбыр арқылы аққан судың теңізге құйылғанын көруге болады. Видео авторының сөзінше, мұндай әдіспен қалдықтарды теңізге ағызуы мүмкін, деп хабарлайды Stan.kz ақпарат агенттігі Inaktau.kz басылымына сілтеме жасап.
Видео авторы қонақ үй аумағынан шығып, теңізге баратын құбырды тапқанын айтады.
"Барлық қалдықтар осы құбыр арқылы қонақ үйден теңізге барып құяды", – деп топшылады автор.
Маңғыстау облысының экология департаменті зертхана-аналитикалық мониторинг бөлімінің мамандары аумақтағы судан сынама алғанын мәлімдеді.
"Қазіргі уақытта тәуелсіз экологтар, қоғам белсенділері мен "Экожер" аймақтық экология Ассоциациясының Маңғыстау облысы экологтар кеңесі мүшелерін жағдайды бағалау үшін тарту жоспарланып отыр", – деді Маңғыстау облысы экология департаментінің өкілдері.
Сонымен қатар тексеріске балық шаруашылығы басқармасы, су инспекциясы, облыстық орман шаруашылығы мен жануарлар дүниесі инспекциялары жағдайды құқықтық бағалау үшін тартылмақ.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"