Денсаулық сақтау министрлігі елде corona-такси енгізуді ұсынды
Қазақстанда жедел жәрдем стансасындағы жүктеме айтарлықтай артты, сондықтан денсаулық сақтау министрлігі corona-таксиді енгізуді жоспарлап отыр, деп хабарлайды Stan.kz ақпарат агенттігі.
Қызметке такси парктері мен медициналық емес ұйымдардың көліктері қосылып, медициналық қызметкерлерді үйдегі науқастарға тасымалдау үшін мобильді топтар құрылады.
"Қазіргі жағдайда біз үйде емдеуді ең дұрыс шешім деп санаймыз. Амбулаториялық-емханалық көмек қашықтықтан жұмыс түрінде беріледі", - деп түсіндірді денсаулық сақтау министрі Алексей Цой.
Министрдің сөзіне қарағанда, үйге келген медицина қызметкерлері COVID-19-ды анықтайтын тест алады, пациенттерге кеңес беріп, ем тағайындайды, еңбекке уақытша жарамсыздық парағын рәсімдейді. Одан әрі науқастың жағдайына мониторинг қашықтан жүргізіледі.
Corona-taxi туралы ұсыныс ведомствоаралық комиссияның қарауына берілді.
Талқылау
"Дүкенде дөрекілік танытып, қонақүйге кіргізбеді": Қазақстандық блогер Ресей мен Беларусьтегі сапарындағы күтпеген әсерлерін айтты
Блогердің сөзінше, Ресей мен Украина арасындағы соғысқа қарамастан жергілікті халық күнделікті күйбең тіршілігін жалғастырып жатыр
"Суды артық пайдаланса, тариф 30% қымбаттайды": Қазақстандықтар су нормасы туралы жаңа ережеге қарсы шықты
Министрліктің мәліметінше, бұған дейін әр өңірде су бағасы әртүрлі есептелген