ДДСҰ коронавирустың әлдеқайда қауіпті штаммы пайда болуы мүмкін екенін мәлімдеді

Дүниежүзілік денсаулық сақтау ұйымының басшысы Тедрос Адан Гебрейесус коронавирустың “дельта” нұсқасынан гөрі қауіпті штаммының пайда болуы мүмкін екенін айтты, деп хабарлайды Stan.kz ақпарат агенттігі. 

ДДСҰ басшысы бұл туралы Токиода Халықаралық Олимпиада комитетінің 138-сессиясында сөйлеген сөзінде айтты.

"Вирустың таралуы неғұрлым кең болса, соғұрлым жаңа нұсқалар пайда болады. Дәл қазір үлкен зиян келтіріп отырған “дельта” штаммынан да қауіпті штаммдар пайда болуы ықтимал. Вакцина арқылы вирустың таралуын тоқтата аламыз", – деп атап өтті Гебрейесус.

• "Үнді сериалдарына ақша бар, олимпиадаға ақша жоқ": Қазақстандық телеарналар Токио олимпиадасынан тікелей трансляция көрсетпейді

• "Төсектер картон қағаздан, ал матрас пластиктен жасалыпты": Қазақстандық спортшылар Токиода қалай тұрып жатыр

Өз сөзі кезінде Гебрейесус Токиодағы Олимпиада ойындары коронавирус пандемиясы аясында қауіпсіз өтеді деген үмітін де білдірді.

Еске салайық, Токио Олимпиадасы пандемияға байланысты бір жылға шегерілген болатын. Биылғы ойындар 23 шілде мен 8 тамыз аралығында өтеді деп жоспарланған.