Дастан Сәтпаев жарақат алып, Қазақстан құрамасынан шет қалды
Фото: instagram.com/d.satpayev
Футболдан Қазақстан ұлттық құрамасы алдағы іріктеу ойындары алдында кадрлық шығынға ұшырады. Бұл туралы Stan.kz ақпарат агенттігі хабарлайды.
"Қайрат" шабуылшысы Дастан Сәтпаев жарақатына байланысты командаға көмектесе алмайды.
Белгілі болғандай, жас форвард шап жарақатына байланысты ұлттық құраманың оқу-жаттығу жиынына келмеген. Осылайша ол 2026 жылғы әлем чемпионатының іріктеу кезеңіндегі қазан айындағы матчтарды өткізіп алады.
Сәтпаев соңғы рет 5 қазанда Премьер-лигадағы кейінге қалған ойында "Жетісуға" қарсы толық 90 минут ойнап шыққан болатын. Кездесу "Қайраттың" ірі жеңісімен – 5:0 есебімен аяқталды.
Еске салайық, Қазақстан құрамасы қазан айында екі маңызды кездесу өткізеді: 10 қазанда өз алаңында Лихтенштейнмен, ал 13 қазанда сырт алаңда Солтүстік Македониямен ойнайды.
1 қарашадан бастап Қазақстанда педиатрия бөлімшелер жабыла ма: Денсаулық сақтау министрлігі ата-аналарға жауап берді
Денсаулық сақтау басқармасы жалпы практика дәрігерлері, содан кейін керек болған жағдайда педиатр тексеретінін мәлімдеді.
Ұлттық қордан 6,5 триллион теңге алынса, Қазақстан экономикасына қалай әсер етеді
6,5 триллион теңге инфрақұрылымға жұмсалады: Бұл халықтың тұрмысын жақсарта ма?