"Бұл өмірде бәрі қателеседі": Сара Амангелді жеке өміріне қатысты сыр шертті
Сара Амангелдіні жұрт ажырасқан азаматпен көңіл жарастырды деп сынға алған еді. Әнші әрі актрисаның жеке өміріне қатысты бұл ақпарат биыл көктемде түрлі пабликтерде тарады. "Алматы" арнасының Paparazzi жобасына берген сұхбатында Амангелдиева өмірде қателеспейтін адам болмайтынын айтты.
"Менің ол жерде ешқандай кінәм жоқ. Бұл өмірде қателеспейтін адам жоқ, бәрі қателеседі. Біреу қосылады, біреу ажырасады. Ештеңе айта алмаймын, Алланың көзі тура болсын", – деді әнші.
Желідегі жағымсыз жазбалар Сара қыздың көңіліне тиген көрінеді. Бір рет қателескен бикеш, бастысы дер кезінде аяққа тұру дегенді алға тартты.
“Әр қыздың басынан түрлі жағдайлар өтеді. Бірақ енді Аллаға шүкір, бәрі жақсы. Ешқандай өкініш жоқ. Ең бастысы – ата-анам аман болсын", – деді Сара.
Абайсызда баянсыз махаббаттың шырмауына іліккен Сараның келешектен үміті зор. Өмірге позитивті көзқарас танытқан өнерпаз ару ешнәрсеге мойымақ емес.
"Мұнымен өмірім тоқтап қалған жоқ. Ашық Сараға жарқын өмір сүрген ұнайды. Адам күйзеліс алатын болса, ағзасы да, денсаулық та әлсірейді. Сондықтан өмірге, Алланың берген әр күніне шүкіршілік етіп, рақмет айтудан шаршамау керек", – деді ол.
"Бір бие, бір жабағыдан бастадық": 40 жылдан бері жылқы баптап жүрген отбасы қымызмұрындықтың мәнін түсіндірді
Қастерлі Жолдыбалина бала күніндегі қымызмұрындықтың қазіргі мерекеден өзгеше болғанын айтады
"Халыққа құрметсіздік танытты": Танымал қазақстандық бренд "Борат" образын қолданғаны үшін сынға қалды
"Борат" Қазақстан қоғамы үшін бұрыннан даулы әрі сезімтал тақырып