Бірнеше қалаға есірткі жеткізіп жүрген курьер ШҚО-да ұсталды
"Құқықтық тәртіп" бағдарламасы аясында ішкі істер министрлігі ел бойынша синтетикалық есірткінің таралуын тоқтату шараларын жасап жатыр. Мамырда есірткіге қарсы күрес бөлімшелерінің қызметкерлері синтетикалық есірткінің бірнеше аса ірі партиясын ұстады. Бұл туралы Stan.kz ақпарат агенттігі хабарлайды.
Тінту кезінде 2 келіден астам альфа-PVP тәркіленіп, алматылық әйел ұсталды. Тағы бір күдіктінің үйінде тінту кезінде шамамен 1 келі синтетикалық есірткі мен психотроптық таблеткалар тәркіленді.
Шығыс Қазақстан облысында интернет-есірткі кураторының басшылығымен басқа аймақтарға есірткі жеткізіп жүрген курьер ұсталды. Ол Алматы облысынан келген екен. Тінту кезінде 2 келіден астам есірткі табылды.
ОқыңызҚарағанды облысында есірткі курьері Алматы-Екатеринбург тас жолында синтетикалық есірткінің үлкен партиясын тасымалдап жүрген кезде ұсталды. Көліктен шамамен 1 келі альфа-PVP тәркіленді.
Тәркіленген синтетикалық есірткінің жалпы салмағы 6 келіден асты, бұл 18 000 бір реттік дозаға тең. ІІМ мәлімдеуінше, бұл мыңдаған адамның өмірін сақтап қалды.
“Сотқа дейінгі тергеу аясында басқа да қатысы бар адамдарды анықтау бойынша тергеу шаралары жүргізіліп жатыр. Барлық күдікті уақытша ұстау изоляторларына қамалды. Ішкі істер министрлігі жастарды есірткі саудасы арқылы тез және оңай ақша табуға азғыруға қарсы тұруға шақырады", – деп атап өтті ішкі істер министрлігінің есірткі қылмысына қарсы күрес комитетінің департамент басшысы Бақытжан Әмірханов.
“Аула сыпырушы блогер ата”: “Қайратқа” 47 жылдан бері жанкүйер алматылық қария желі жұлдызына айналды
Дмитрий: "Алдағы уақытта “Қайрат” академиясына аула тазалаушы болып кіремін"
"Түнгі сағат 12-де хабарласады, төмен баға қойылса шу шығарады": Қазақстандық мұғалімдер ата-анадан көрген қысымын айтты
Мұғалімнің сөзінше, ата-аналар мұғалімге хабарласудан еш ыңғайсызданбайды