"Банк қызметкерімін деп танысқан": Жетісу облысында тіс қаққан алаяқ адамдарды алдап 12 миллион теңге тапқан
Жетісу облысында алаяқ өзін банк қызметкерімін деп таныстырып, екі жыл бойы адамдарды алдап келген. Осылайша заңсыз жолмен 12 миллион теңге табыс тапқан. Бұл туралы Stan.kz ақпарат агенттігі хабарлайды.
Фото: Stan.kz
Екі жыл бойы өзін банк қызметкері деп таныстырған әйел адамдарға ауыл шаруашылығын дамытудың мемлекеттік бағдарламасы бойынша несие алуға және тегін субсидиялар алуға көмектесетінін айтқан. Салдарынан 13 адам алаяқтың құрбаны болып, 12 миллион теңгесінен айырылды.
Бірнеше рет алаяқтық жасаған қылмыскер ұсталып, оған 7 жыл бас бостандығынан айыру жазасы тағайындалды.
Жетісу облысы прокуратурасы азаматтарды қырағы болуға, гранттар, субсидиялар немесе несиелер алған кезде болған мұндай жағдайлар туралы хабарлауға шақырды.
Бұған дейін Астана тұрғыны жігітті пайдалану үшін әлеуметтік желіде өзін қыз ретінде таныстырғаны туралы жазған едік.
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды
Қазақстандық оқушы ауа арқылы су тапшылығын жоюдың жолын қалай ойлап тапты: Оның өнертабысына шетел қызығуда
Ол жақында Венадағы БҰҰ штаб-пәтерінде Cleantech Days Forum 2026 форумында әлемнің үздік үш жас өнертапқышының қатарына енді