Атырау облысында шағалалардың қырылуына байланысты аңшылық тоқтатылды
Каспий теңізіндегі аралдарда шағалалардың жаппай қырылуына байланысты Атырау облысында құстарды аулау тоқтатылды, деп хабарлайды Stan.kz ақпарат агенттігі.
Аумақтық орман шаруашылығы және жануарлар дүниесі инспекциясының бөлім басшысы Мереке Шалқаровтың айтуынша, қазір 6 мыңға жуық өлі шағала табылған. Бастапқыда олар NCOC компаниясына тиесілі Қашаған кенішінің екі жасанды аралынан табылыпты. Комиссия құрылып, оқиға орнына мамандар барып, судан, топырақтан, ауадан сынамалар алынып, құс мәйіттері сараптамаға алынды. Осы оқиғадан кейін өлген шағалалар Ақжайық қорығы аумағындағы құмды аралдардан да табылды.
1 маусымнан бастап көрші Астрахан облысында құс тұмауының анықталуына байланысты шектеу шаралары енгізілген. Сондықтан суда жүзетін құстарды аулау маусымын тоқтату туралы шешім қабылданды. Бұрын хабарланғандай, Атырау облысында өлген шағалаларда АН5 құс тұмауы расталды.
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі
Қазақстан әуежайлары қандай заңдарды бұзды және бұл үшін оларды қалай жазалады
Көптеген әуежай авиаотынды монополиялық жоғары бағада сату арқылы миллиондаған табыс тапқан