Астанада қатты соққан жел жаңа аялдаманы ұшырып әкете жаздады (видео)

Желіде Астанада қатты жел жаңа аялдаманы ұшырып әкете жаздағаны түсірілген видео тарады. Бұл туралы Stan.kz ақпарат агенттігі хабарлайды. 

Фото: Видеодан скрин

Видео авторының сөзінше, ол аялдама шайқалған уақытта достарымен бірге қоғамдық көлікті күтіп тұрған. Кадрлардан оның қатты қорыққанын байқауға болады. Оқиға 4 қарашада болған.

• Қызылордалық тұрғын аялдамада қазақ тілінде ақпарат жоқ болғаны үшін соттасып, жеңіп шықты

• "Кішігірім Үндістан": Алматы аялдамасында автобус күткен қалың қауым жұрттың жағасын ұстатты

“Біз осы аялдаманың астында тұрдық. Ол желден әрі-бері теңселіп, бізді басып қала жаздады”, – деді куәгерлердің бірі.

Елорда әкімдігі аталған жағдайға қатысты  түсініктеме берді.

Фото: Астана қаласының әкімдігі

“Сығанақ көшесіндегі аялдама павильонында дәнекерлеу тігістері ажырап кетті. Аялдама осы жазда орнатылған еді. Қазір аялдама сигнал таспасымен қоршалған. Күні бойы жөндеу-қалпына келтіру жұмысы жүргізіледі”, – делінген хабарламада.

Айта кетейік, бұған дейін Ақтаудағы ерекше аялдама қазақстандықтардың назарын аударғаны туралы жазған едік.

@alanakss22 Это Астана детка, наш любимый ветер😂 Но на самом деле ситуация страшная, я с 4 месячным ребенком, с сестренкой, бежала оттуда с глазами на лбу, было ппц страшно #этоастана#чп#аккуратноастана#ветерастаны#сходимастана#кудасходитьастана#осеньвастане ♬ оригинальный звук - Alanakss