Астанада екі жұмысшы 15-қабаттан құлап кетті
Астанада салынып жатқан тұрғын үй кешенінің 15-қабатынан екі жұмысшы құлап, көз жұмды. Бұл туралы Stan.kz ақпарат агенттігі хабарлайды.
Қалалық полиция депаратментінің мәліметінше,10 тамыз күні "Алматы" аудандық полиция басқармасының кезекші бөліміне "A-City" тұрғын үй кешенінің құрылыс нысанында екі адамның биіктен құлап кеткені туралы хабарлама келіп түскен.
"Анықталғандай, А.Байтұрсынов көшесінің бойында салынып жатқан 20 қабатты тұрғын үй кешенінің қасбеттік жұмыстарын жүргізу кезінде арқан үзіліп кетіп, монтаждау көтергішінен екі жұмысшы 15-қабаттан биіктен құлап кеткен. 20 және 27 жастағы жұмысшылар оқиға орнында көз жұмды", - делінген полиция хабарламасында.
Ведомство мәлім еткендей, аталған факті бойынша ҚР Қылмыстық кодексінің 277-бабының 3-бөлігі бойынша сотқа дейінгі тергеу амалдары жүргізіліп жатыр.
Барлық қажетті сараптамалар тағайындалды.
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық