Ақтөбе облысында өрт сөндірушілер соңғы сәтте зейнеткерді өрттен аман алып қалды
Ақтөбе облысының Хромтау ауданында өрт сөндірушілер өртеніп жатқан пәтерден 65 жастағы ер адамды құтқарды, деп хабарлайды Stan.kz ақпарат агенттігі.
19 сәуір күні сағат 23.50-де 20-өрт сөндіру бөлімінің пультіне бес қабатты тұрғын үйдің пәтерлерінің бірінде өрт шыққаны туралы хабарлама келіп түскен.
Келген өрт сөндірушілер бірінші қабаттағы жиһаздар мен тұрмыстық заттар өртеніп жатқанын, сондай-ақ жану өнімдерінен уланып, есінен танып қалған пәтер иесін көрген.
Құтқарушылар қарияны далаға шығарып, алғашқы медициналық көмек көрсетіп, медициналық қызметке тапсырды.
Сондай-ақ өрт сөндірушілер баспалдақ арқылы 20 адамды, оның ішінде 8 баланы эвакуациялады.
Өрт аумағы 10 шаршы метрді құрады. Өрт себебі анықталуда.
Талқылау
"Суды артық пайдаланса, тариф 30% қымбаттайды": Қазақстандықтар су нормасы туралы жаңа ережеге қарсы шықты
Министрліктің мәліметінше, бұған дейін әр өңірде су бағасы әртүрлі есептелген
Астаналық әйел тірі ұлын "өлтіріп", 100-ге жуық әріптесінен ақша жинаған
Жәбірленуші: "Гүлмира Ашимова Ұлттық ұландағы подполковниктің әйелі"