21 әлде 45 күн: Sputnik V вакцинасының екінші дозасын қанша күннен кейін салғызу керек?
Қазақстан тұрғындары, егер өздері қаласа, Sputnik V вакцинасының екінші дозасын бірінші дозаны қабылдағаннан кейін 21 күн өткен соң еге алады, деді денсаулық сақтау министрі Алексей Цой.
"Егер сіз (екінші) вакцинаны 21күн өткенде алғыңыз келсе, сіз тек жергілікті емханаға немесе бірінші дозаны қабылдаған вакцинация пунктіне келесіз. Сіз екінші дозаны алу туралы өтінішті алдын ала қалдыра аласыз", - деді Цой баспасөз мәслихатында.
Өтініште екпе алушы екінші дозаны бірінші дозаны қабылдағаннан кейін 45-күні емес, 21-күні алғысы келетіндігін міндетті түрде көрсетуі керек.
"Біз барлығы 45 күнді белгіледік, бірақ кез келген уақытта алдын-ала екінші екпені салғыза аласыз. Сіз кем дегенде бірнеше күн бұрын келіп, ертерек мерзімде вакцина алғыңыз келетінін хабарлауыңыз керек. Жеке құжаттар жоқ. Тек сіздің алғашқы вакцинаны алғаныңыз расталса болды", - деп аяқтады Цой.
Бұған дейін бас санитарлық дәрігердің жаңа қаулысына сәйкес, вакцинация 45 күн аралығында жүргізілетіні хабарланды. Бұл жағдайда 90 күн ішінде екінші вакцинацияға рұқсат етіледі.
Алексей Цой вакцинация туралы жалған төлқұжат жасайтындарды жазалауға уәде берді