2020-2021 оқу жылындағы демалыс күндері белгілі болды
Білім және ғылым министрлігі оқушылардың жаңа оқу жылында қалай демалатынын жариялады, деп хабарлайды Stan.kz ақпарат агенттігі.
2020 жылғы 13 тамыздағы бұйрыққа сәйкес келесі мерзімдер анықталды:
- 2020-2021 оқу жылының басталуы - 2020 жылдың 1 қыркүйегі;
- бірінші сыныптардағы оқу жылының ұзақтығы - 33 академиялық апта, 2-11 (12) сыныптарда - 34 академиялық апта;
оқу жылындағы демалыс кезеңдері:
- 1-11 (12) сыныптарда: күзгі – 10 күн (2020 жылғы 5 қарашадан бастап 14 қарашаны қоса алғанда), қысқы – 11 күн (2020 жылғы 31 желтоқсаннан бастап 2021 жылғы 10 қаңтарға дейін қоса алғанда), көктемгі – 12 күн (2021 жылғы 20 наурыздан бастап 31 наурызды қоса алғанда);
- 1-сыныптарда: қосымша демалыс – 7 күн(2021 жылғы 8-14 ақпан аралығында).
Бұған дейін білім министрлігінің басшысы Асхат Аймағамбетов қашықтан оқытуға қарамастан, мектептегі демалыс мерзімі өзгеріссіз қалатынын атап өткен.
"Қашықтан оқыту форматына қарамастан, балалар қатты шаршайды, сондықтан демалыс кезінде бізде өзгеріс болмайды", - деп жауап берді министр.
1 қыркүйектен бастап республика мектептерінде қашықтықтан оқыту басталады. Сондай-ақ, кіші мектеп оқушылары үшін кезекші сыныптарда оқу қарастырылған.
"Кәрісің, бізге жастар керек дейді": Қазақстандықтар 35-40 жастан кейін жұмысқа тұра алмайтындарын айтып, шағымданды
Тұрғын: "Ипотекамыз, екі кішкентай баламыз бар, болашағымызға алаңдаймын”
"Су тапшылығы болып, қала демала алмай қалады": Экологтар Көкжайлауда 650 миллиардқа салынатын тау кластері құрылысын тоқтатуды талап етті
Сөздерінше, құрылыс мұзды аймақтарға тікелей жақын орналасқан 3880 метр биікке салынады